शुक्रबार २१, बैशाख २०८१ १२:२६
शुक्रबार २१, बैशाख २०८१ १२:२६
सम्बाददाता
सुदूरपश्चिम प्रदेशको भलिबल टिमको कप्तानमा भलिबल खेलाडी नवराज धामी चयन भएका छन ।
दार्चुलाको शैल्यशिखर नगरपालिका २ घर भएका धामी सुदूरपश्चिम प्रदेश भलिबल टोलिका कप्तानमा चयन भएका हुन ।
पछिल्लो समय उकृष्ट प्रदर्शन गर्दै आइरहेका धामीलाई सुदूरपश्चिम प्रदेशको भलिबल टिमको कमाण्ड सम्हाल्ने अवसर प्राप्त भएको छ ।
सुदूरपश्चिमले धामीको कप्तानीमा माघ १४ गते (भोलि) देखि कञ्चनपुरको खुलामञ्चमा सञ्चालन हुने तेस्रो मुख्यमन्त्री भलिबल प्रतियोगिता खेल्ने भएको छ ।
जसमा तीन विभागियसहित सातवटै प्रदेश गरि १० टिम सहभागि हुने छन् ।
सोही प्रतियोगिताका लागि सुदूरपश्चिमको टोली धामीको नेतृत्वमा अहिले बन्द प्रशिक्षणमा छ ।
२४ वर्षीय धामीसँग उत्कृष्ट टिमहरु सित प्रतिस्पर्धा गरेको अनुभव छ । उनको अनुभव, खेल कला र भविष्य देखेर नै सुदूरपश्चिमको कप्तानमा नियुक्त गरिएको बताइएको छ ।
प्रतिक्रिया