गोकुलेश्वर शिवरात्री मेलामा पछिल्लो समय घरका लागि घअत्यावश्यक सामानहरुको खरिदबिक्री हुदैँ आएको छ ।घरका लागि चाहिने स्थानीयस्तरमा उत्पादित बस्तुहरु जस्तै निगाँलोका डोको, मट्टा, सप्पाा, चाटकीहरुको खरिदबिक्री बिक्री हुँदै आएको छ भने मेलामा हँसिया, बन्चरो, कोदालीहरु समेत पाइन्छन । यस्तै व्याँसी शौका समुदाय र तिब्बती मूलका व्यापारीहरु समेत गोकुलेश्वर मेलामा उनबाट बनेका लत्ताकपडाहरुको व्यापार गर्न आउने गरेका छन, शिवरात्रीको अवसर पारेर भारतका विभिन्न ठाँउबाट समेत व्यापारीहरु व्याखपारका लागि आउने गरेका छन भने घुसा तथा खण्डेश्वरीका व्यापारीहरुले यस मेलामा विभिन्न प्रकारका जडिबुटीहरु ल्याएर विक्री गर्ने गदर्छन । । केहि वर्षयता शिवरात्री मेलाको अवसर पारि सांस्कृतिक एवं प्रयटकीय महोत्सव लाग्दै आएपनि यसबर्ष भने कोरोना जोखिमका कारण लाग्न नसकेको जानकारहरुले बताएका छन ।

हरेक वर्ष फागुन महिनामा शिवरात्रीको अवसर पारेर लाग्ने गोकुलेश्वर मेला यस वर्ष भने यहीँ फागुन २७ गतेबाट शुरू हुँदैछ । यो वर्षको गोकुलेश्वर महाशिवरात्री मेला गणनाको हिसाबमा ८१ औं वर्षको मेला हो ।

नाथ भन्छन, "वि. सं. १९९७ साल भन्दा पहिले गोकुलेश्वरमा बजार थिएन । त्यहाँ रूखहरू थिए, जङ्गल जस्तो थियो त्यो ठाउँ, त्यहाँ महिलाहरू घाँसपात गर्न जान्थे उतिबेला, शिवरात्रीमा मेला लाग्न थालेपछि बिस्तारै पसलहरू राख्न थाले मान्छेहरू, शिवरात्री मेला लगाएको शुरूको वर्ष जम्मा ५०/६० जना मात्रै मेला हेर्न आएका थिए । बिस्तारै मानिसहरूको भिड बढ्न थाल्यो, पछि अहिलेको बजार भएको ठाउँमा मेला सर्‍यो र मेला हेर्न आउनेहरूको संख्या बढ्दै गयो । अहिले त ठूलो बजार बनिसकेको छ गोकुलेश्वर ।" यद्यपि मेला शुरूवात भएको पछिसम्म पनि अहिलेको गोकुलेश्वर बजार बनि नसकेको उनको सम्झना छ । मेला हेर्न आउने मानिसहरूले सरसामान पनि किनबेच गर्न थालेपछी बिस्तारै भिड बढेको र पसलहरू राखिन थालेको उनले सुनाए ।