नेकपा माओवादी केन्द्र बैतडीकी नेतृ रेणु चन्द राष्ट्रियसभा सदस्यमा निर्वाचीत भएकी छन् ।

आज भएको निर्वाचनमा उनले ४ हजार ४सय ५३ मत प्राप्त गर्दै निर्वाचित भएकी हुन् ।

चन्द २०६४ सालको संबिधानसभा निर्वाचनमा बैतडी क्षेत्र न.२ बाट निर्वाचित भई संविधानसभा सदस्य समेत बनेकी थिइन् । चन्द जनयुद्धकी भुमिगत योद्धा समेत हुन् ।

चन्दसंगै सुदुरपश्चिम प्रदेश बाट अपाङ्ग तर्फ कांग्रेसका नारायणदत्त भट्ट निर्वाचित भए। उनले ४ हजार ४१९ मत पाए। त्यस्तै अन्यतर्फ  कांग्रेसकै बलदेव बोहरा विजयी भए। उनले ४ हजार ३४७ मत पाए।

उनिहरु गठबन्धनका तर्फबाट राष्ट्रिय सभा सदस्यका लागि चुनाव लडेका थिए । 

प्रमुख प्रतिपक्ष दल नेकपा एमालेका तर्फ बाट अन्यतर्फ ईश्वरी खरेल, महिलातर्फ सावित्री घिमिरे र अपाङ्गतातर्फ रामचन्द्र जोशी उम्मेदवार रहेकामा तीनै जना पराजित भएका छन्।