सोमबार ०६, जेठ २०८२ ०१:१४
सोमबार ०६, जेठ २०८२ ०१:१४
सम्बाददाता
दार्चुला–बैतडी जोड्ने शैल्यशिखर नगरपालिका ९, गोकुलेश्वरस्थित मोटरेबल पुलबाट खसेर एक पुरुष चमेलिया नदीमा बेपत्ता भएका छन् ।
प्रत्यक्षदर्शीका अनुसार सोमबार दिउँसो (भरखरै) गोकुलेश्वरस्थितको मोटरेबल पुलबाट खसेर एक पुरुष नदीमा बगेका हुन् ।
गोकुलेश्वरस्थित मोटरेबल पुलको मध्य भागबाट खसेर नदीमा बगेका पुरुषको पहिचान खुलेको छैन् । उनको झोला भने पुल छेउमा भेटिएको प्रहरीले जनाएको छ ।
घटनास्थलमा यतिखेर इलाका प्रहरी कार्यालय गोकुलेश्वर, दार्चुला र प्रहरी चौकी गोकुलेश्वर, बैतडीबाट प्रहरी परिचालन भई खोजिकार्य सुरु गरिएको प्रहरीले बताएको छ ।
पछिल्लो समय गोकुलेश्वर पुल असुरक्षित बन्दै गएको छ । यसअघि गत भदौमा समेत सोही पुलबाट खसेर शैल्यशिखर नगरपालिका ९ का एक पुरुष घाइते भएका थिए । दार्चुला र बैतडी जोड्ने एकमात्र मोटरेबल पुलका रुपमा रहेको गोकुलेश्वरस्थित पुल जीर्ण अवस्थामा छ ।
प्रतिक्रिया