नेपाल प्रहरीका प्रहरी नायव उपरीक्षकहरुको सरुवा भएको छ । दार्चुलाका प्रहरी नायव उपरीक्षक (डिएसपी) तर्कराज पाण्डेयसहित १२० डीएसपीहरूको सरुवा भएको हो ।

दार्चुलाका प्रहरी प्रमुख डिएसपी पाण्डेयको काठमाडौ उपत्यका प्रहरी कार्यालय तालिम शाखा रानिपोखरी सरुवा भएको छ। उनले गत वर्ष भदौ महिनामा दार्चुला प्रहरी प्रमुखको कमाण्ड सम्हालेका थिए ।

उनको ठाउँमा नेपाल प्रहरी प्रधान कार्यालय विशेष ब्युरो उपत्यका सेक्टर नक्साल काठमाडौबाट शिव बहादुर सिंह आउने भएका छन् ।

भदौदेखिको तलव, भत्तासमेत हाल सरुवा भएको दरबन्दीवाट खान पाउने गरी डिएसपीहरुको  सरुवा गरिएको प्रहरी प्रधान कार्यालयले जनाएको छ ।