बुधबार ०३, बैशाख २०८२ ०२:३३
बुधबार ०३, बैशाख २०८२ ०२:३३
सम्बाददाता
आसन्न स्वतन्त्र विद्यार्थी युनियनलाई लक्षित गरेर त्रिभुवन विश्वविद्यालय अन्तर्गतका क्याम्पसहरु तयारीमा जुटेका छन् । आगामी चैत्र ५ मा हुने स्ववियु निर्वाचनमा सेटिगाउँ बहुमुखी क्याम्पस बैतडीमा स्ववियु सभापति पदमा क्याम्पसमा अध्ययनरत कृष्णसिंह रावलले उम्मेदवारी दाबी गरेका छन् ।
नेपाल विद्यार्थी संघको तर्फबाट सेटिगाउँ बहुमुखी क्याम्पस बैतडीमा स्ववियु सभापति पदका लागि विद्यार्थी नेता रावलले आफ्नो उम्मेदवारी दाबी गरेका हुन् ।
नेपाल विद्यार्थी संघ दार्चुलाका सहसचिव समेत रहेका रावल सेटिगाउँ बहुमुखी क्याम्पसको शैक्षिक गुणस्तर तथा भौतिक व्यवस्थापन गर्न समेत ठुलो योगदान रहेको जानकारी गराउदै सभपतिको पदमा आफ्नो दाबी रहेको जानकारी दिए ।
सेटिगाउँ बहुमुखी क्याम्पसका विद्यार्थीहरु संग विभिन्न बिषयमा छलफल गरी विद्यार्थीहरुको चाहना र सुझाव सल्लाह बमोजिम आफ्नो उम्मेदवारी घोषणा गरेको उनले बताए ।
कक्षा ८ देखी ने.बि. संघ मा लागेका रावलले क्याम्पस को चौतर्फी बिकास र विद्यार्थीको हकहितका निमित्त आफुले गर्नसक्ने कामहरु लाई समेटेर केहिदिनमै घोषणा पत्र पनि जारी गर्ने बताए ।
प्रतिक्रिया