बैतडीको डिलासैनी गाउँपालिकामा गाउँपालिकास्तरीय तेस्रो राष्ट्रपति रनिङ शिल्ड प्रतियोगिता सञ्चालन भएको छ । 

डिलासैनी गाउँपालिकाको आयोजनामा वडा नम्बर ५ स्थित हरिनगर खेलमैदानमा सोमबार एक समारोहका बिच प्रतियोगिताको उद्घाटन गरिएको हो । आजदेखि सञ्चालन भएको प्रतियोगितामा गाउँपालिका भरिका जम्मा १२ वटा सामुदायिक माद्यमिक विद्यालयको सहभागिता रहेको डिलासैनी गाउँपालिकाले जनाएको छ । 

डिलासैनी गाउँ खेलकुद विकास समितीका संयोजक विरेन्द्र बोहराको अध्यक्षतामा सञ्चालन भएको प्रतियोगितामा गाउँपालिका अध्यक्ष सन्तोषप्रकाश जोशीको प्रमुख आतिथ्यता रहेको वडा नम्बर ७ का वडाअध्यक्ष तथा सामाजिक विकास शाखा संयोजक प्रकाशमणी भट्टले जानकारी दिए । 

बिहीबारसम्म सञ्चालन हुने प्रतियोगितामा छात्र/छात्रा दुबैतर्फ एथ्लेटिक्स, रिले, कबड्डी, भलिबल लगायतका खेल समावेश गरिएको वडाअध्यक्ष भट्टले बताए ।