जलवायु परिवर्तनका लागि नेपाली युवाहरुको सञ्जाल (एनवाईसिए) बैतडीले आयोजना गरेको च्याउ उत्पादन सम्बन्धि तीन दिने तालिम सम्पन्न भएको छ । 

एनवाईसिए बैतडीको आयोजना तथा गोकुलेश्वर कृषि तथा पशु विज्ञान कलेजको प्राबिधिक सहयोगमा महिला सशक्तिकरणका लागि सञ्चालित ३ दिने च्याउ उत्पादन सम्बन्धि तालिमको आयोजना गरिएको जलवायु परिवर्तनका लागि नेपाली युवाहरुको सञ्जाल (एनवाईसिए) बैतडीका मिडिया को-अर्डिनेटर लोकेन्द्र खत्रीले जानकारी दिएका छन् ।

तालिममा बैतडी र दार्चुलाका १ सय ४ जना महिलाहरुको सहभागिता रहेको थियो । गत शनिबारदेखि सञ्चालन भएको उक्त तालिममा सहभागिहरुलाई च्याउ उत्पादन सम्बन्धि सीप विकास तालिम दिइनुका साथै आवस्यक सामाग्री वितरण गरिएको मिडिया को-अर्डिनेटर खत्रीले बताए ।

च्याउ उत्पादन सम्बन्धि ३ दिने तालिमको समापन समारोहमा डिलासैनी गाउँपालिकास्थित वडा नम्बर ६ का वडाध्यक्ष उत्तरबहादुर बोहरा, प्रशिक्षक तिलक नाथ योगी, गोकुलेश्वर कृषि तथा पशु विज्ञान कलेजका संयोजक लिलाधर जोशी लगायतको सहभागिता रहेको थियो । 

तालिम प्राप्त गरेपछि सहभागि महिलाहरुले आयोजकलाई धन्यवाद ज्ञापन गर्दै अबका दिनमा च्याउ उत्पादन गरेर बजारमा बेच्ने तथा स्थानीयस्तरमा आफूहरु उद्यमशिलतातर्फ उन्मुख हुने प्रतिबद्धता व्यक्त गरेका थिए । 

जलवायु परिवर्तनका लागि नेपाली युवाहरुको सञ्जाल (एनवाईसिए) ले देशका विभिन्न स्थानमा जलवायु परिवर्तन सम्बन्धि जनजागरण गर्दै आइरहेको छ ।