दार्चुलामा एमाले उम्मेदवार जोशीलाई पराजित गर्दै माओवादी केन्द्रका धामी निर्वाचित

दार्चुलामा प्रदेश सभा निर्वाचन क्षेत्र नम्बर २ मा सत्ता गठबन्धनका उम्मेदवार मान बहादुर धामी (सन्तोष) बिजयी भएका छन् ।

नेकपा एमालेका उम्मेदवार रामदत्त जोशीलाई १ हजार ३१५ मतको अन्तरले पराजित गर्दै माओवादी केन्द्रका दार्चुला संयोजक धामी बिजयी भएका हुन् । प्रदेश सभा २ मा खसेको कूल २६ हजार २७२ मत मध्ये १३ हजार १७१ मत प्राप्त गर्दै सुदूरपश्चिम प्रदेशका वन, वातारण तथा पर्यटन मन्त्री समेत रहेका धामी बिजयी भएका हुन् ।

उनका निकटतम प्रतिस्पर्धी एमालेका जोशीले ११ हजार ८५६ मत प्राप्त गरे । धामी विक्रम संवत् २०७४ सालमा सम्पन्न निर्वाचनमा समेत सोही क्षेत्रबाट प्रदेश सभामा निर्वाचित भएका थिए ।