बैतडीको डिलासैनी गाउँपालिकाले आयोजना गरेको गाउँपालिकास्तरीय अध्यक्ष कप भलिबल प्रतियोगिताको उपाधी सेटिगाउँ बहुमुखी क्याम्पस ककरपाखा बैतडीले हात पारेको छ । 

आज दिउँसो ३ बजे भएको फाइनल खेलमा वडा नम्बर ३ बगडीलाई ३-० को सोझो सेटमा पराजित गर्दै सेटिगाउँ बहुमुखी क्याम्पसले उपाधी हात पारेको हो । 

डिलासैनी गाउँपालिकास्तरीय अध्यक्ष कप भलिबल प्रतियोगिता वडा नम्बर ५ स्थित हरिनगर खेल मैदानमा गत असोज ४ गतेदेखि सञ्चालन भएको थियो । प्रतियोगितामा गाउँपालिका भरिका ९ ओटा टिमको सहभागिता रहेको थियो । 

प्रतियोगितामा प्रथम हुने टिम सेटिगाउँ बहुमुखी क्याम्पसले नगद ५० हजार नगदसहित कप, प्रमाणपत्र र मेडल प्राप्त गरेको छ । यस्तै प्रतियोगितामा उपविजेता बनेको वडा नम्बर ३ बगडीले  २५ हजार नगद सहित कप, प्रमाणपत्र र मेडल हात पारेको तथा सान्त्वना हुने टिम पंसेराले १५ हजार नगदसहित कप, प्रमाणपत्र र मेडल प्राप्त गरेको डिलासैनी गाउँपालिकाका प्रवक्ता यज्ञराज भट्टले जानकारी दिएका छन् । 

यस्तै प्रतियोगितामा उत्कृष्ट खेल प्रदर्शन गर्ने खेलाडीहरुलाई समेत पुरस्कृत गरिएको आयोजकले जनाएको छ ।

डिलासैनी गाउँपालिकाले कार्तिक ४ गतेदेखि आयोजना गरेको प्रातियोगितालाई गोकुलेश्वर एकता युवा क्लबले व्यवस्थापन गरेको थियो ।