जात्रामा बलि गर्ने क्रममा चमेलिया नदिमा बगेर एक जना बेपत्ता

चमेलिया नदिमा बगेर एक पुरुष बेपत्ता भएका छन् ।

दार्चुलाको देथलास्थित भगवती मन्दिरमा लागेको अष्टमी जात्रामा राँगाको बलि गर्ने क्रममा शैल्यशिखर नगरपालिका १ का अन्दाजी ४० वर्षीय पुरूष बहादुरसिंह बोहरा चमेलिया नदिमा बगेर बेपत्ता भएका इलाका प्रहरी कार्यालय गोकुलेश्वरका प्रमुख एवम् प्रहरी निरीक्षक बिरेन्द्र थापाले जानकारी दिएका छन् ।

जात्रामा बलिका लागि तयार पारिएको राँगो अचानक भागेर चमेलिया नदीतर्फ पसेको थियो। त्यसलगत्तै बोहरा पनि राँगोसंगै चमेलिया नदीतर्फ पसेका प्रत्यक्षदर्शीले बताए ।

नदीमा पसेका बोहरा बेपत्ता रहेका तथा खोजि कार्य भइरहेको प्रहरीले जानकारी दिएको छ।