राष्ट्रपति विद्यादेवि भण्डारी दार्चुलाको व्यास भ्रमणमा आउने निश्चित भएको छ ।

जिल्लाको त्रिदेशिय सिमामा अवस्थित व्याँस गाउँपालिका भम्रणका लागि राष्ट्रपति भण्डारी आगामी असोज २७ गते दार्चुला आउने कार्यक्रम तय भएको व्याँस गाउँपालिकाका अध्यक्ष मंगलसिंह धामीले जानकारी दिएका छन् । 

बिहीबार दार्चुलाको व्यास गाउँपालिकाका अध्यक्ष मंगलसिंह धामी सहितको टोलिले शितल निवासमा राष्ट्रपति भण्डारीसमक्ष भेटवार्ता गरेका छन् । सोही क्रममा गाउँपालिका अध्यक्ष धामीले राष्ट्रपति भण्डारीलाई दार्चुलाको व्याँस गाउँपालिका भम्रणका लागि निम्तो दिएका हुन् ।

यसअघि गत साउन ९ गते बसेको व्याँस गाउँकार्यपालिका बैठकले राष्ट्रपति भण्डारीलाई भ्रमणका लागि निम्तो गर्ने निर्णय गरेको थियो ।

राष्ट्रपति भण्डारीले व्याँस गाउँपालिकाको छांगरुमा राष्ट्रिय स्तम्भ उद्घाटन गर्ने कार्यक्रम रहेको बताइएको छ । 

यसअघि राष्ट्रपति भण्डारीले वि.सं.२०७६ फागुन १५ गते दार्चुलाको मालिकार्जुन भ्रमण गरेका थिए । 

यसअघि गत भदौ २५ वा असोज पहिलो सातासम्म राष्ट्रपति भण्डारी दार्चुला आउने कार्यक्रम तय रहेपनि विविध कारणबश ढिलाई भएको बताइएको छ ।