आठौं संविधान दिवसका अवसरमा डिलासैनी गाउँपालिकामा दीप प्रज्वलन

सम्बाददाता

सोमबार, असोज ०३, २०७९

आठौं संविधान दिवसका अवसरमा डिलासैनी गाउँपालिकामा दीप प्रज्वलन

बैतडीको डिलासैनी गाउँपालिकामा दीप प्रज्वलन गरेर संविधान दिवस मनाइएको छ ।

गोकुलेश्वर एकता युवा क्लबको व्यवस्थापनमा आयोजित दीप प्रज्वलन कार्यक्रममा गाउँपालिका उपाध्यक्ष भगिरथ बोहरा, वडा नम्बर ५ का अध्यक्ष एवम् गाउँपालिका प्रवक्ता यज्ञराज भट्ट, वडा नम्बर ४ का अध्यक्ष हरिदत्त पन्तसहित कर्मचारी, सुरक्षाकर्मी, स्थानीय, युवा लगायतको सहभागितामा गाउँपालिकाले गोकुलेश्वर (पुल्चोक) मा आठौं संविधान दिवस मनाएको गाउँपालिका प्रवक्ता यज्ञराज भट्टले जानकारी दिए ।

संविधान दिवसका अवसरमा आयोजित दीप प्रज्वलन कार्यक्रममा प्रवक्ता भट्टले शुभकामना व्यक्त गर्दै राष्ट्रियताका सवालमा सम्पूर्ण नेपाली सदैव एक हुनुपर्ने बताए । गाउँपालिका उपाध्यक्ष भगिरथ बोहराले लामो समयको संघर्ष पश्चात् नेपालको संविधान निर्माण भएको आठ बर्ष पूरा भएको अवसरमा शुभकामना व्यक्त गरेका छन् ।

यस्तै दिवसकै अवसर पारेर गाउँपालिका अन्तर्गतको सामुदायिक सिकाइ केन्द्रले वडा नम्बर ५मा आधारभूत विद्यालयस्तरिय हाजिरीजवाफ प्रतियोगिताको आयोजना समेत गरेको छ ।