नेपाल कम्युनिस्ट पार्टी एमाले दार्चुलाले प्रदेश सभा सदस्य पदका लागि 'ख' अर्थात १(२) क्षेत्रबाट पार्टीका पूर्व जिल्ला अध्यक्ष रामदत्त जोशीलाई एकल सिफारिस गरेको छ । 

सदरमुकाम खलंगामा सोमबार बसेको जिल्ला कमिटीको बैठकले जोशीलाई प्रदेश सभा सदस्य पदका लागि सिफारिस गरेको एमाले दार्चुलाले जनाएको छ ।

यसअघि एमालेले दार्चुलाबाट प्रतिनिधि सभा सदस्य पदमा पूर्वमन्त्री एवम् एमालेका पोलिट व्युरो सदस्य गणेशसिंह ठगुन्नालाई सिफरिस गरेको छ भने प्रदेशसभा क्षेत्र १(१) अर्थात 'क' का लागि प्रत्यक्षतर्फ र दुबै प्रदेश सभा क्षेत्रमा समानुपातिकतर्फ उम्मेदवार सिफारिसका लागि छलफल जारी रहेको नेकपा (एमाले) दार्चुलाले जनाएको छ ।