शुक्रबार ०७, मङि्सर २०८१ ०९:२३
शुक्रबार ०७, मङि्सर २०८१ ०९:२३
सम्बाददाता
बैतडीको डिलासैनी गाउँपालिकाले छुट्टाछुट्टै २ वटा अन्तरक्रिया कार्यक्रमको आयोजना गरेको छ ।
मंगलबार डिलासैनी गाउँपालिकाभित्र रहेका सामुदायिक विद्यालयहरुको गुणस्तरिय सुधारका लागि आवस्यक योजना निर्माण गर्न अन्तरक्रिया कार्यक्रमको आयोजना गरिएको हो ।
गाउँपालिका अध्यक्ष सन्तोषप्रकास जोशी सहित गाउँपालिकाभित्र रहेका ५६ वटै विद्यालयका प्रधानाध्यापक, विद्यालय व्यवस्थापन समितीका अध्यक्ष, बिषयविज्ञ, जनप्रतिनिधी एवम् सरोकारवालाको सहभागितामा गाउँपालिका अन्तर्गतको शिक्षा शाखाले उक्त अन्तरक्रिया कार्यक्रममको आयोजना गरेको डिलासैनी गाउँपालिकाका प्रवक्ता एवम् वडा नम्बर ५ का अध्यक्ष यज्ञराज भट्टले जानकारी दिए ।
यस्तै गाउँपालिकाले आजै खानेपानीको समस्या समाधानका लागि खानेपानी उपभोक्ता समितीका पदाधिकारी र सरोकारवालासंग अन्तरक्रिया गरेको छ ।
गाउँपालिका भित्र खानेपानीको मौजुदा स्थिती, कठिनाई र सम्भावना सम्बन्धमा आवस्यक रणनिती बनाउन, प्रभावकारी रुपमा कार्यसम्पादन गर्न र खानेपानीको समस्या निराकरण गर्न गाउँपालिकास्थित जलस्रोत समितीमा दर्ता भएका खानेपानी समितीका पदाधिकारीसित छलफल गरिएको प्रवक्ता भट्टले बताए ।
![दार्चुला जिप दुर्घटना अपडेट : ज्यान गुमाउने दुई भारतीयसहित आठै जनाको खुल्यो पहिचान [नामसहित]](/media/darchula-accident-e1731638280175.jpg)
प्रतिक्रिया