बैतडीमा पनि कोरोना संक्रमितको ग्राफ उकालो लाग्दै गएको छ । 

पछिल्लो २४ घण्टामा गरिएको  परीक्षणमा जिल्लामा थप २ जनामा कोरोना संक्रमण पुष्टि भएको हो ।

झुलाघाट नाकामा गरिएको परीक्षणमा बझाङ्गको बित्थडचिर  गाउँपालिकाका  एक जना पुरुष र  जिल्ला अस्पताल बैतडीमा गरिएको परीक्षणमा दशरथचन्द नगरपालिका  वडा नं १० का एक जना महिलामा कोरोना देखिएको  स्वास्थ्य कार्यालय  बैतडीले जनाएको छ । 

स्वास्थ्य कार्यालय बैतडीको तथ्यांक अनुसार पछिल्लो २४ घण्टामा १ जना  कोरोना संक्रमण मुक्त भएका छन्, भने बैतडीमा  अहिले कोरोनाका  ५६ जना सक्रिय संक्रमित रहेका छन् । सक्रिय संक्रमित मध्ये दशरथचन्द नगरपालिकामा  ३५ जना, पाटन नगरपालिकामा १२ जना, पुरर्चौडी  नगरपालिकामा २ जना र  दोगडाकेदार गाउँपालिकामा १ जना  रहेका छन् ।

यस्तै बैतडीमा जिल्ला बाहिरका ६ जना  कोरोनाका सक्रिय  संक्रमित रहेका छन् । सक्रिय सक्रमित सबैजना होम आइसोलेसनमा रहेका बताइएको  छ  ।