शुक्रबार ०४, असोज २०८१ ०५:३९
शुक्रबार ०४, असोज २०८१ ०५:३९
सम्बाददाता
धरान उपमहानगरपालिकाका मेयर हर्कराज साम्पाङ राईले अहिलेसम्म आफूले गरेका कामको सूची सार्वजनिक गरेका छन् ।
'१०० दिनमा के गरिस्' भनेर प्रश्न सोध्नेलाई जवाफ भन्दै उनले बुधबार १३ कामको सूची सार्वजनिक गरेका हुन् ।
सामाजिक क्षेत्रमा बढ्दो बेथितिविरुद्ध सडकमा एक्लै संघर्ष र आन्दोलन गरेर सरोकारवालालाई प्रश्न गर्दै सुशासन र पारदर्शिता देखाउन दबाब दिँदै धरानको मेयरमा निर्वाचित राईले गत जेठ ९ गते शपथ लिएका थिए । बुधबार उनले शपथ लिएको ८७औं दिन हो ।
मेयर राईले अहिलेसम्म ४ ठाउँबाट खानेपानीको मुहान थपेको जानकारी दिएका छन् । त्यस्तै श्रमसंस्कृतिको क्रान्ति सुरु गरेको पनि उनको भनाइ छ ।
धरानमा खानेपानी मुहान बनाउन होस् वा वृक्षरोपण गर्न पछिल्लो समय हजारौँ मानिसको सहभागिता हुने गरेको छ । त्यस्तै उनले अहिलेसम्म ६ लाख विरुवा रोपेको पनि बताएका छन् ।
केही दिन काठमाडौं बसेर गएका मेयर राईले नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाललाई श्रमदानका लागि निमन्त्रणा दिएको बताएका छन् । त्यस्तै उनले राष्ट्रिय आविष्कार केन्द्रका महावीर पुन, अर्थमन्त्री जनार्दन शर्मालगायतका व्यक्तिलाई पनि भेटेका थिए ।
स्थानीय तहको निर्वाचनमा दलीय उम्मेदवारहरुलाई पराजित गर्दै विद्रोही स्वभावको पहिचान बनाएका साम्पाङ स्वतन्त्रबाट विजयी भएका हुन् ।
यस्ता छन् मेयर राईले उल्लेख गरेका काम
प्रतिक्रिया