शैल्यशिखरका एक सहित दार्चुलामा थप ५ जनामा कोरोना पुष्टि, संक्रमितको संख्या ८४ पुग्यो

Wide Nepal News

शुक्रबार, असोज ०९, २०७७

गोकुलेश्वर । दार्चुलामा थप पाँच जना पुरुषमा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा गरिएको परीक्षणमा महाकाली नगरपालिकाका एक जना, मार्मा गाउँपालिकाका तीन जना र शैल्यशिखर नगरपालिकाका एक जनामा कोरोना पुष्टि भएको स्वास्थ्य कार्यालय दार्चुलाले जनाएको छ । शैल्यशिखर र मार्माका कोरोना संक्रमित व्याक्तिहरु भारतबाट आएर हाल क्वारेन्टाइनमा रहेका थिए । महाकाली नगरपालिकाका कोरोना संक्रमित भने कन्ट्राक्ट ट्रेसिङमा परेका व्याक्ति रहेको जनाइएको छ । दार्चुलामा हाल सम्म दुई हजार सात सय ३४ जनाको कोरोना परीक्षणका लागि स्वाब संकलन भएको छ । जसमध्ये दुई हजार छ सय ८८ जनाको कोरोना परीक्षणको नतिजा आएको छ । जसमा कुल ८४ जनामा कोरोना पुष्टि भएको छ । जसमध्ये सक्रिय कोरोना सक्रमितको संख्या २९ रहेको छ । पछिल्लो २४ घण्टामा महाकाली नगरपालिकाका एक जना र शैल्यशिखरका दुई जना गरि दार्चुलाका तीन जनाले कोरोना जितेसंगै संक्रमणमुक्त हुनेको संख्या ५५ पुगेको छ ।