अर्धनग्न अवस्थामा बैतडीमा महिलाको शव भेटियो

Wide Nepal News

सोमबार, असोज १२, २०७७

बैतडीमा एक महिलाको शव फेला गरेको छ । जिल्लाको दशरथचन्द नगरपालिका वडा नं ६ को सेरास्थित चौलानी नदीमा अन्दाजी ३५/४० वर्षीया अपरिचित महिलाको शव फेला परेको हो । जिल्ला प्रहरी कार्यालयका अनुसार हिजो (आइतबार) दिउसो २ः ३० बजेको समयमा महिला मृत फेला परेको र उनको शव पोस्टमार्टमका लागि जिल्ला अस्पताल बैतडीमा राखिएको छ । उक्त घटनाको थप अनुसन्धान भइरहेको प्रहरीले जनाएको छ ।