बैतडीमा जिप दुर्घटना हुदा मृत्यु  र घाइने भएकाहरुको पहिचान खुलेको छ । जिल्ला प्रहरी कार्यालय बैतडीका जिप दुर्घटनामा परी मृत्यु भएका ५ जना र घाइते भएका अन्य ५ जनाको पहिचान खुलेको हो । मृत्यु हुनेमा बैतडीको सुर्नया गाउंपालिका वडा नं. ४ बस्ने बर्ष ७५ की कलावती चन्द, पाटन नगरपालिका वडा नं. ५ बर्ष ७७का भगिरथ पाण्डेय, पाटन नगरपालिका वडा नं. ५ बस्ने बर्ष ७० की पार्वती देवी चन्द, दशरथचन्द नगरपालिका वडा नं. २ देहिमाण्डौं बस्ने बर्ष ५८ को कृष्ण लाबड र दशरथचन्द नगरपालिका वडा नं. ५ बस्कोट बस्ने बर्ष ७२ की पार्वती चन्द रहेका छन । यस्तै घाइते हुनेमा बैतडीको दशरथचन्द न.पा. वडा नं. ९ बस्ने बर्ष ४६ को खगेन्द्र प्रसाद जोशी , दोगडाकेदार गा.पा. वडा नं. ६ बस्ने बर्ष ५० को कृष्णानन्द भट्ट, दशरथचन्द नगरपालिका वडा नं. २ देहिमाण्डौं बस्ने बर्ष २२ को प्रदिप लावड, बैतडी दशरथचन्द न.पा. वडा नं. ५ बस्ने बर्ष ३५ को रबिन्द्र चन्द रहेका छन । यस्तै चलक गम्भिर घाइत भएका छन । चालक समेत रहेका बैतडी दशरथचन्द न.पा. ४ बस्ने अन्तजी  ४०  वर्षीय गोपाल सिंह कार्कीलाइ उपचारका लागी एम्बुलेन्स द्वारा धनगढी पठाइउको छ । आज दिउसो १ ः ४० बजेतिर झुलाघाट बाट   घोठलापानी तर्फ आउदै गरेको ना १ ज २१९६ नं को जिप दुर्घटनामा परेको हो । जिप सडकबाट अन्ताजी २ सय मिटर तल खसेको छ ।