'वाइड नेपाल ब्याडमिन्टन कप' सम्पन्न, पाटनका बिरबहादुर र रोशन विजयी

Wide Nepal News

आइतबार, पुष ०५, २०७७

गोकुलेश्वर : 'वाइड नेपाल ब्याडमिन्टन कप २०७७' आइतबार (आज) सम्पन्न भएको छ । पौष ३ गतेदेखि सञ्चालन भएको ब्याडमिन्टन कपको उपाधी पाटनका बिरबहादुर खाती र रोशन बिष्टको जोडिले जितेको छ । आज भएको फाइनल खेलमा गोठलापानी बैतडीका चन्द्रसिंह डोबाल र दिनेश ठगुन्नाको जोडिलाई पराजित गर्दै पाटनका बिरबहादुर खाती र रोशन बिष्टको जोडीले उपाधी जितेको हो । चन्द्रसिंह डोबाल र दिनेश ठगुन्नाको जोडि उपविजेता भएको आयोजकले बताएको छ । वाइड नेपालले यहीँ पौष ३ गतेदेखि आयोजना गरेको ब्याडमिन्टन खेलमा २६ टोलिको सहभागिता रहेको थियो । प्रतियोगिताको विजेताले नगद रू. ४० हजार सहित ट्रफी, मेडल, प्रमाणपत्र र उपविजेताले नगद रू. २४ हजार सहित ट्रफी, मेडल र प्रमाणपत्र प्रदान गरिएको वाइड नेपालका अध्यक्ष बिस्ना धामीले जानकारी दिनुभयो । प्रतियोगितामा उत्कृष्ट खेलाडीको उपाधि बैतडीका सुरेन्द्र कार्कीले जितेको अध्यक्ष धामीले बताउनुभयो ।