दार्चुला । शैल्यशिखर नगरपालिका वडा नम्बर ४ रानिशिखरसम्म सडक विस्तार भएको छ । सुदूरपश्चिम प्रदेश सरकारको एक करोड ५२ लाख बजेटमा शैल्यशिखर नगरपालिका वडा नम्बर ४ रानिशिखरसम्म देथला–रानिशिखर सडक खण्ड विस्तार गरिएको हो । शैल्यशिखरको विकट गाउँ मानिने रानिशिखरसम्म सडक विस्तार भएपछि स्थानीय हर्षित भएका छन् । यातायातको पहुँच नहुदा रानिशिखरवासीले अहिलेसम्म थुप्रै समस्या र चुनौतीहरुको सामना गर्नुपरेको थियो । सडक नियमित रुपमा सञ्चालन हुन सके रानिशिखरवासीलाई धेरै सुविधा र सहजता हुने भन्दै स्थानीय हरिश सिंह ठगुन्नाले खुसी व्यक्त गरे। गाउँसम्म सडक विस्तार भएपछि स्थानीयले दार्चुलाबाट निर्वाचित सासंदहरुलाई धन्यबाद ज्ञापन गरेका छन् ।