दार्चुला ।  निर्माणाधिन मोहनापुल अत्तरिया ६ लेन सडकखण्डमा ट्रकले मोटरसाइकललाई ठक्कर दिदा घाइते भएकाहरुको परिचय खुलेको छ।

शुक्रबार बिहान ६ लेन सडकखण्डको धनगढी विमानस्थल जाने बाटो नजिकै ना ७ ख ७९८ नम्बरको ट्रकले प्रदेश नम्बर ३०२०१२ प ६४१६ नम्बरको मोटरसाइकललाई ठक्कर दिदा घाइते भएकाको परिचय खुलेको प्रहरीले जनाएको छ।

जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक बिष्टले घाइते हुनेमा मोटरसाइकल चालक २६ वर्षीय सुनिल बिष्ट र पछाडी सवार २९ वर्षीय गोविन्द विष्ट रहेको बताए।

उनीहरुको अवस्था मध्यम रहेको छ। दुवैजनाको धनगढीस्थित माया मेट्रो अस्पतालमा उपचार भइरहेको छ। ट्रक र चालकलाई प्रहरीले नियन्त्रणमा लिएको छ।