दार्चुला । दार्चुला सदरमुकाम खंलगाबाट लागु औषध सहित एक युवक पक्राउ परेका छन । जिल्लाको महाकाली नगरपालिका वडा नम्बर ४ बागाबगड (महाकाली करिडोर) बाट उनलाई पक्राउ गरिएको जिल्ला प्रहरी कार्यालय दार्चुलाका प्रहरी निरीक्षक तथा सूचना अधिकारी भाष्कर चन्दले जानकारी दिएका छन। पक्राउ पर्नेमा जिल्लाको मालिकार्जुन गाउँपालिका वडा नम्बर ८ का अन्दाजी १९ बर्षिय नविन धामी रहेको सूचना अधिकारी चन्दले बताए । भारतको धारचुलाबाट महाकाली नदि तारेर ल्याउदै गरेको अवस्थामा प्रहरीले धामीको साथबाट पेभोन स्पास प्लस १ सय १२ क्याप्सुल र स्कप कपसिरफ २ सिसि बरामद गरेको बताइएको छ । लागु औषध सहित पक्राउ परेका धामीको हिरासतमा राखी अनुसन्धान भइरहेको छ । उनलाई लागु औषध ऐन २०३३ अनुसार कारबाही हुने जनाइएको छ ।