दार्चुला । यार्सागुम्बा संकलन गर्ने क्रममा अपिहिमाल गाउँपालिका ५ का एक महिलाको मृत्यु भएको छ । यार्सागुम्बा संकलन गर्न अपिहिमाल गाउँपालिकाको सातगंगा बनमा गएको बेला ४० वर्षीया चुन्धरी धामीको मृत्यु भएको हो । यार्सागुम्बा संकलनको लागि गत वैशाखमै पाटन पुगेका धामीको पेट दुख्ने समस्या थियो । दुई तीन दिनसम्म पेट दुख्न निको नभएपछि मृत्यु भएको उनका आफन्तले जनाएका छन् । मृतक धामीको शवलाई आइतबार घर ल्याइएको छ । मृतकका दुई छारा र दुई छोरी छन् । यसअघि अपिहिमाल गाउँपालिका ४ का एक पुरुषको पनि यार्सागूम्बा संकलनको क्रममा हिम पहिरोमा परि मृत्युभएको थियो ।