दार्चुला : दार्चुलाको शैल्यशिखर नगरपालिका ९, गोकुलेश्वरस्थित ॐ शान्ति वृद्धाश्रममा बस्दै आउनुभएका ६१ वर्षीया वृद्धा नरी गिरीलाई ह्वील चेयर हस्तान्तरण गरिएको छ । शारिरीक रुपमा अपाङ्ग वृद्धा गिरीका दुबै खुट्टाले काम नगर्दा हिडडुल गर्नमा समस्या हुने गरेको छ । गिरीको अवस्था बारे थाहा पाएपछि शैल्यशिखर नगरपालिका ३, लुइटा घर भइ हाल अमेरिकामा बस्दै आउनुभएका जिवानन्द भट्टको पहलमा ह्वील चेयरको व्यवस्था गरिएको हो । सोमबार वाइड नेपाल न्युजकर्मी र वृद्धाश्रमका संचालक उत्तम बहादुर साउँदले संयुक्त रुपमा वृद्धा गिरीलाई उक्त ह्वील चेयर हस्तान्तरण गरेपछि उहाँको अनुहारमा चमक देखिएको छ । श्रीमानले साथ छोडेपछि केहि वर्षयता वृद्धाश्रमको सहारा लिन पुग्नुभएका उहाँका एक जना छोरी छन भने छोराहरु छैनन ।