दार्चुला । शैल्यशिखर नगरपालिकाले साउन ८ गते (भोली) सार्वजनिक बिदा दिने निर्णय गरेको छ । मालिकार्जुन देवताको पुजन जात्राको अवसरमा नगरपालिकाले एक सार्वजनिक सूचना जारी गर्दै स्थानीय बिदा दिने निर्णय गरेको हो । राष्ट्रकै सातौं धाम तथा दार्चुला जिल्लाको प्रमुख धार्मिक पर्यटकीय तिर्थस्थल मालिकार्जुन धाममा प्रत्येक बर्ष असार शुक्ल चतुर्दशीका दिन मालिकार्जुन देवताको पुजन जात्रा लाग्ने गर्दछ । आर्थिक बर्ष २०७८।७९ को वार्षिक नीति तथा कार्यक्रममा समेत मालिकार्जुन देवताको पुजन जात्रा लाग्ने दिन नगरपालिका भरि सार्वजनिक बिदा दिने निर्णय समाबेश गरेको छ । नगरपालिकाले स्थानीयलाई भोलीको दिनलाई शैल्यशिखर दिवसको मनाउन समेत आग्रह गरेको छ । साथै जात्रामा सहभागी दर्शनार्थीहरुलाई स्वास्थ्य सुरक्षाका मापदण्डको पालना सहित सहभागी हुन पनि नगरपालिकाले आग्रह गरेको छ ।