गोकुलेश्वर बजार क्षेत्रको फोहोर संकलन गरिएको छ। फोहोर व्यवस्थापनको लागि डम्पीङ साईडको व्यवस्था हुन नसक्दा लामो समय देखि गोकुलेश्वर बजार क्षेत्रका फोहोर उठन सकेको थिएन ।

नगरपालिकाले फोहोर व्यवस्थापन गर्न नसक्दा बजार क्षेत्र दुर्गन्धीत भएको भन्दै गुनासो बढेपछि नगरपालिकाको सक्रियतामा गत शनिबार बाट बजार क्षेत्रका थुप्रिएको फोहोर संकलन गरिएको नगर प्रमुख विजय सिंह धामीले बताउनुभयो ।

अहिले तत्कालको लागि बजार क्षेत्रको फोहोर संकलन गरि एक ठाउँमा जम्मा गरिएको र अहिले अस्थाई रुपमा गाजरी क्षेत्रमा व्यवस्थापन गरिने कार्यपालिका सदस्य तथा फोहोर संकलन समिति संयोजक केशव विष्टले बताउनुभयो । अहिलेको लागि संकलन गरिएको फोहोर गाजरीमा कुहिने र नकुहिने गरि छुट्याएर व्यवस्थापन गरिने उहाँले बताउनुभयो ।

एक दुई दिन भित्रै संकलन गरिएको फोहोर व्यवस्थापन गरिने उहाँले बताउनुभयो । नगरपालिकाले दिर्घकालीन रुपमा फोहोर व्यवस्थापनको लागि एक हप्ता भित्रै सर्वपक्षिय बैठक राखेर फालफल गर्ने तयारी भैरहेको उहाँले बताउनुभयो । बजार क्षेत्र र आसपासका खोलामा थुप्रिएको सम्पुर्ण फोहोर संकलन सम्पन्न भएको छ एक दुई दिन भित्रै संकलन भएको फोहोर गाजरी क्षेत्रमा व्यवस्थापन गर्छौ उहाँले भन्नुभयो ।

अहिले नगरपालिकाले नङतड, गाजरी लागयतका ३ ठाउँमा डम्पीङ साईडको निर्माणका लागि अध्यन गरिरहेको छ। बजार क्षेत्रको फोहोर व्यवस्थापनको लागि नगरपालिका संगै प्रहरीले पनि महत्वपुण भुमिका खेलेको विष्टले बताउनुभयो ।

अस्थाई प्रहरी पोष्ट गोकुलेश्वरले बजार क्षेत्र र जगतपुरी शिवधाम क्षेत्रको फोहोर संकलन तथा व्यवस्थापनमा महत्वपुर्ण सहयोग गरेको उहाँले बताउनुभयो । बजार क्षेत्र दुर्गन्धीत भएकोले प्रहरीले पनि फोहोर संकलन तथा व्यवस्थापनमा सहयोग तथा सहजिकरण गरेको अस्थाई प्रहरी पोष्ट गोकुलेश्वरका इन्चार्ज प्रहरी सहायक निरिक्षक गोपाल बहादुर द्वालले बताउनुभयो ।

गर्मी याम सुरु भएकोले बजार क्षेत्र दुर्गन्धीत हुँदा विभिन्न रोगहरु लाग्ने सक्ने भएकोले सरसफाईको लागि प्रहरीले सचेतना मुलक कार्यक्रम सञ्चालन लगायत फोहोर संकलन र व्यवस्थापनमा सहजिकरण गरेको उहाँले बताउनुभयो ।

जिल्लाकै दोस्रो ठुलो बजार र जिल्ला आगमनको मुख्य बाटोमै रहेको गोकुलेश्वर बजार र चौलानी नदि क्षेत्रमा थुप्रिएको फोहोर संकलनको लागि नगरपालिकाले वडा नम्बर ९ लाई जिम्मेवारी दिएको र वडा नम्बर ९ का वडा सदस्य विष्टको संयोजक फोहोर संकलन तथा व्यवस्थापन समिति बनाएर बजार क्षेत्रको फोहोर संकलन गरिएको नगरपालिकाका सूचना अधिकारी भोजराज भट्टले बताउनुभयो ।