बिहिबार ०८, फागुन २०८१ ०२:२६
बिहिबार ०८, फागुन २०८१ ०२:२६
सम्बाददाता
राष्ट्रिय प्राकृतिक स्रोत तथा वित्त आयोगले देशभरका स्थानीय तहहरुको कार्यसम्पादन मूल्याकंनको नतिजा सार्वजनिक गरेको छ ।
विभिन्न १७ ओटा सूचकमा आधारित रहेर स्थानीय तहहरुको कार्यसम्पादन मूल्यांकन गरिएको आयोगले जनाएको छ ।
आयोगले प्रकाशन गरेको नतिजा अनुसार दार्चुलाका ९ओटा स्थानीय तहमध्ये नौगाड गाउँपालिका ७४.२ अंक सहित पहिलो भएको छ ।
यस्तै ५१.३ अंक सहित लेकम गाउँपालिका पुछारमा रहेको छ ।
जिल्लाका अन्य स्थानीय तहमा ब्याँस गाउँपालिकाको ६७.५ अंक, महाकाली नगरपालिकाको ६६.३ अंक, दुहुँ गाउँपालिकाको ६१.८ अंक, शैल्यशिखर नगरपालिकाको ६१.४ अंक रहेको छ ।
त्यस्तै मालिकार्जुन गाउँपालिकाको ६०.८ अंक, अपिहिमाल गाउँपालिकाको ५९.७ अंक र मार्मा गाउँपालिकाको ५६.४ अंक, रहेको छ।
आयोगले विभिन्न सूचकहरु तय गरेर मूल्यांकन गरेको जनाएको छ । जसमा पालिकाहरूले २०८१ असार १० गतेभित्र आर्थिक वर्ष २०८१÷०८२ को राजस्व र व्ययको अनुमान सम्बन्धित गाउँसभा तथा नगरसभामा पेस गरे–नगरेको, गाउँ कार्यपालिका र नगर कार्यपालिकाले आर्थिक वर्ष २०८१÷०८२ को राजस्व र व्ययको अनुमान सम्बन्धित सभाबाट २०८१ असार मसान्तभित्र पारित गरे–नगरेको सूचक राखिएका छन् ।
प्रतिक्रिया