बैतडीः  शहीद दिवस २०८१ का अवसरमा शहीद दशरथ चन्दको जन्मघर बैतडीमा दशरथचन्द साहित्य उत्सव तथा अन्तर्राष्ट्रिय काव्य गोष्ठीको आयोजना हुने भएको छ । 

यहीँ माघ १६ र १७ बैतडकिो दशरथचन्द नगरपालिका ५ बस्कोटस्थित शहीद दशरथ चन्दको जन्मघरमा काव्य गोष्ठीको आयोजना गरिएको हो । 

दशरथचन्द नगरपालिकाको प्रबर्धन, शहीद दशरथचन्द स्मृति प्रतिष्ठानसितको सहकार्यमा राष्ट्रियता संरक्षण अभियान बैतडीले दशरथचन्द साहित्य उत्सव तथा अन्तर्राष्ट्रिय काव्य गोष्ठीको आयोजना गर्न लागेको राष्ट्रियता संरक्षण अभियानका अध्यक्ष हेमबाबु लेखकले जानकारी दिए । 

यस वर्षको शहिद दिवसको अवसर पारेर आयोजना गरिएको दशरथचन्द साहित्य उत्सवमा नेपाल ललितकला प्रज्ञा प्रतिष्ठानका कुलपति नारदमणि हार्तम्छालीको प्रमुख आतिथ्यता तथा नेपाल भारतका २ सय जना साहित्यकारहरुको उपस्थिती रहने अध्यक्ष लेखकले बताए । 

माघ १६ र १७ गरि दुई दिनसम्म चल्ने कार्यक्रममा विभिन्न विषयमा वक्ताहरुसित छलफल, कार्यपत्र प्रस्तुत गरिनुका साथै रचना वाचन, सम्मान अर्पण लगायतका सत्रहरु सञ्चालन  गरिने छन् । 

साहित्य उतसवमा भारतका सिक्किम, दार्जिलिंग, राजस्थान अल्मोडा, पिथौरागढ, महाराष्ट लगायतका स्थानबाट साहित्यकारहरुको उपस्थिती रहने छ भने नेपालको पूर्वदेखि पश्चिमसम्मका विभिन्न स्थानबाट साहित्यकारहरु उपस्थिती रहने आयोजकले जनाएको छ ।